चंद्रपूरापुरात उच्चांकी 1300 कोरोनामुक्त तर 1529 पॉझिटिव्ह ; 23 मृत्यू

चंद्रपूर मनपा क्षेत्र, भद्रावती, ब्रम्हपुरी, वरोरा अजूनही हाॅटस्पाॅट
• ॲक्टीव पॉझिटिव्ह 15,843

चंद्रपूर : जिल्ह्यात मागील 24 तासात उच्चांकी 1300 जणांनी कोरोनावर मात केल्याने त्यांना रुग्णालयातून सुटी देण्यात आली आहे, तर 1529 कोरोनाबाधीत रुग्णांची नव्याने भर पडली असून 23 बाधीतांचा मृत्यू झाला आहे. कोरोनामुळे बरे झालेल्यांचा आज सोमवारी उच्चांकी आकडा समोर आल्याने जिल्ह्यातील नागरिकांकरिता ही दिलासादायक बाब आहे.

जिल्ह्यात आतापर्यंत एकूण बाधितांची संख्या 54 हजार 369 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 37 हजार 715 झाली आहे. सध्या 15 हजार 843 बाधितांवर उपचार सुरू आहेत. आतापर्यंत 3 लाख 59 हजार 554 नमुन्यांची तपासणी करण्यात आली असून त्यापैकी 3 लाख 478 नमुने निगेटीव्ह आले आहेत.

आज मृत झालेल्यामध्ये चंद्रपूर शहरातील श्यामनगर परिसरातील 58 वर्षीय पुरुष, श्रीराम वार्ड येथील 47 वर्षीय पुरुष, इंदिरानगर येथील 65 वर्षीय महिला व 67, 50 वर्षीय पुरुष, वरोरा तालुक्यातील 58,70 व 72 वर्षीय पुरुष, बल्लारपूर तालुक्यातील बामणी येथील 45 वर्षीय महिला, राजुरा तालुक्यातील चुनाभट्टी वार्ड येथील 41 वर्षीय पुरुष, चुनाळा येथील 65 वर्षीय पुरुष, चिमूर तालुक्यातील बोथली येथील 37 वर्षीय महिला, खडसंगी येथील 70 वर्षीय पुरुष, भद्रावती तालुक्यातील 62 वर्षीय पुरुष, व 47 वर्षीय महिला, गोंडपिपरी तालुक्यातील 67 वर्षीय महिला व 51 वर्षीय पुरुष, ब्रह्मपुरी तालुक्यातील भवानी वार्ड येथील 62 वर्षीय पुरुष, देलनवाडी येथील 65 वर्षीय पुरुष ,गडचांदूर येथील 40 वर्षीय पुरुष, सिंदेवाही तालुक्यातील पेंढरी येथील 58 वर्षीय पुरुष, नागभीड तालुक्यातील 60 वर्षीय पुरुषाचा तर गडचिरोली जिल्ह्यातील मुलचेरा तालुक्यातील 74 वर्षीय पुरुषाचा समावेश आहे.
जिल्ह्यात आतापर्यंत 811 बाधितांचे मृत्यू झाले असून यापैकी चंद्रपूर जिल्ह्यातील 747, तेलंगणा एक, बुलडाणा एक, गडचिरोली 27, यवतमाळ 25, भंडारा सहा, गोंदिया एक आणि वर्धा एक, नागपूर येथील दोन बाधिताचा समावेश आहे.

आज बाधीत आलेल्या 1529 रुग्णांमध्ये चंद्रपूर महानगर पालीका क्षेत्रातील 621, चंद्रपूर तालुका 61, बल्लारपूर 60, भद्रावती 138, ब्रम्हपुरी 112, नागभिड 27, सिंदेवाही 38, मूल 73, सावली 20, पोंभूर्णा 11, गोंडपिपरी 43, राजूरा 31, चिमूर 73, वरोरा 120, कोरपना 59, जिवती 21 व इतर ठिकाणच्या 21 रुग्णांचा समावेश आहे.