चंद्रपूर | 171 कोरोनामुक्त तर 06 मृत्यू , 63 पॉझिटीव्ह

चंद्रपूर : गत 24 तासात जिल्ह्यात 171 जणांनी कोरोनावर मात केल्याने त्यांना रुग्णालयातून सुटी देण्यात आली तर 63 जण नव्याने कोरोना पॉझिटीव्ह आले आहेत. तसेच 6 बाधितांचा जिल्ह्यात मृत्यू झाला आहे.

बाधित आलेल्या 63 रुग्णांमध्ये चंद्रपूर महानगर पालिका क्षेत्रातील 8, चंद्रपूर तालुका 4, बल्लारपूर 17, भद्रावती 2, ब्रम्हपुरी 6 , नागभिड 4, सिंदेवाही 4, मूल 4, सावली 2, पोंभूर्णा 6, गोंडपिपरी 1, राजूरा 1, चिमूर 1, वरोरा 2, कोरपना 0, जिवती 0 व इतर ठिकाणच्या 1 रुग्णांचा समावेश आहे. आज मृत झालेल्यांमध्ये चंद्रपूर शहरातील अष्टभुजा वार्ड, रमाबाई नगर येथील 53 वर्षीय पुरुष, श्रीराम वार्ड घुग्घुस येथील 71 वर्षीय पुरुष, भद्रावती तालुक्यातील 50 वर्षीय पुरुष व 84 वर्षीय महिला, मुल तालुक्यातील 60 वर्षीय पुरुष तर एकता नगर माजरी येथील 45 वर्षीय पुरुषाचा समावेश आहे.
जिल्ह्यात आतापर्यंत एकूण बाधितांची संख्या 83 हजार 649 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 80 हजार 704 झाली आहे. सध्या 1 हजार 460 बाधितांवर उपचार सुरू आहेत.आतापर्यंत 4 लाख 95 हजार 659नमुन्यांची तपासणी करण्यात आली असून त्यापैकी 4 लाख 8 हजार 610 नमुने निगेटीव्ह आले आहेत. जिल्ह्यात आतापर्यंत 1485 बाधितांचे मृत्यू झाले असून यापैकी चंद्रपूर जिल्ह्यातील 1375, तेलंगणा दोन, बुलडाणा एक, गडचिरोली 39, यवतमाळ 51, भंडारा 11, वर्धा एक, गोंदिया तीन आणि नागपूर येथील दोन बाधितांचा समावेश आहे.

प्रशासनाचे आवाहन : नागरिकांनी कोरोना पुर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षीत अंतर राखणे या त्रीसुत्रीचा नियमित वापर करावा, स्वत:ची काळजी घ्यावी तसेच 45 वर्षावरील सर्व नागरिकांनी जवळच्या केंद्रावरून कोरोनाची लस घ्यावी, व प्रशासनाने दिलेल्या सूचनांचे पालन करावे. असे आवाहन जिल्हाधिकारी अजय गुल्हाने यांनी केले आहे.