चंद्रपूर : घुग्घूस – वणी मार्गावरील वर्धा नदीच्या बेलोरा पुलावरून शनिवारला दुपारी ३.३० वाजता दरम्यान नदीत एका अज्ञात महिलेने उडी घेतल्याची माहिती या मार्गावरून जाणाऱ्या काही नागरिकांनी घुग्घूस पोलिसांना दिली. पोलिसांनी चंद्रपूर येथून रविवार दिनांक ५ सप्टेंबरला बचाव पथक बोलावून सकाळी ८ वाजता पासुन सायंकाळी ५ वाजेपर्यंत बचाव मोहीम राबविली परंतु प्रेत मिळाले नाही.
यामुळे सोमवारला पुन्हा सकाळी ८ वाजता पासुन बचाव मोहीम राबविली असता दुपारी २.१५ वाजता दरम्यान नायगाव घाटाजवळ अज्ञात महिलेचे प्रेत आढळून आले असुन त्या महिलेची ओळख पटविणे सुरु आहे.
ही मोहीम ठाणेदार राहुल गांगुर्डे यांच्या मार्गदर्शनाखाली घुग्गूस पोलीस ठाण्याचे पिएसआय मेघा गोखरे, मनोज धकाते, रंजित भुरसे, स्वप्नील बोन्डे व चंद्रपूर बचाव पथकाचे बोट चालक अशोक गर्गेलवार, वामन नक्षीने, दिलीप चव्हाण, उमेश बनकर, मंगेश मते, सुजित मोगरे, गिरीश मरापे, रुपेश निरस्कर व अजित बाहे यांनी बोटीच्या सह्याने शोध मोहीम राबविली.पुढील तपास पिएसआय मेघा गोखरे करीत आहे.
